PRONËSIA E AUTOMJETIT TUAJ JAGUAR - PPSH

Çfarë do të ndodhë me Jaguar në të ardhmen?

Strategjia jonë e Rikonceptimit u publikua në vitin 2021, ku konfirmohet se Jaguar do të jetë tërësisht elektrik si pjesë e angazhimit tonë për zero emetime neto karboni brenda vitit 2039. Brenda vitit 2025, ne do të transformohemi tërësisht për t’u shndërruar në një markë automjetesh luksoze plotësisht elektrike, që do të ofrojë dizajne elegante dhe teknologji pioniere. Ky është një moment unik për Jaguar, që na mundëson të rikonceptojmë markën, të ripërcaktojmë gamën e produkteve tona, si dhe të përshtatim prezencën tonë në tregje të ndryshme.

A do të mund të vijoj të kërkoj shërbim servisi nga një Shitës i autorizuar i Jaguar për automjetin tim Jaguar?

Ndërsa JLR shkon drejt së ardhmes elektrike, rrjeti ynë i partnerëve të autorizuar për shitjen me pakicë të automjeteve të reja do të konsolidohet duke filluar nga viti 2024. Mund të vini re disa ndryshime gjatë kohës që rafinohemi dhe optimizohemi për t’ju ofruar shërbimin më të mirë. Rrjeti ynë i shërbimeve do të vijojë të jetë funksional gjatë gjithë procesit. Për të gjetur një Shitës të autorizuar lokal, kërkoni këtu.

Shitësi im i autorizuar lokal i Jaguar nuk është më në treg, ku mund të drejtohem për servis?

Programi i Automjeteve Jaguar të Përdorura dhe të Miratuara do të vazhdojë të funksionojë brenda rrjetit të partnerëve tanë të autorizuar të shitjes gjatë muajve në vijim. Rrjeti i Servisit Jaguar vijon të jetë plotësisht funksional dhe do të vijojë të ofrojë nivele të pakrahasueshme kujdesi dhe vëmendjeje ndaj klientëve tanë. Për të parë qendrën më të afërt të Servisit, që do t’ju ofrojë shërbim dhe mirëmbajtje për automjetin tuaj Jaguar, ju lutemi të vizitoni identifikuesin e Shitësit të autorizuar.

A mund të përdor shitësin tim të autorizuar lokal të Range Rover / Defender / Discovery për kryerje servisi?

Ju sigurojmë se Shitësit tanë të autorizuar do të vijojnë të ofrojnë shërbim servisi për produktet Jaguar, të respektojnë garancitë dhe të ofrojnë përditësime softueri dhe mbështetje sa më të mirë ndaj klientëve. Jaguar i qëndron plotësisht angazhimit ndaj gamës së produkteve ekzistuese dhe klientëve tanë. Shitësit tanë të autorizuar do të vijojnë të ofrojnë shërbim për të gjitha automjetet Jaguar. Gjeni Shitësin tuaj të autorizuar lokal këtu.

A do të ketë Pjesë të disponueshme për automjetin tim Jaguar?

Ne do të vijojmë të përmbushim të gjitha kërkesat tuaja për servis dhe mirëmbajtje. Kontaktoni Shitësin tuaj të autorizuar për më shumë informacion.

A do të vijojë automjeti im Jaguar të marrë përditësime softueri?

Përditësimet do të jenë të disponueshme te partneri i servisit.

A do të vijojë garancia dhe/ose plani im i servisit të jetë i vlefshëm?

Po, garancia, garancia e zgjatur dhe/ose plani juaj i servisit nuk do të ndërpriten. Plani juaj i servisit mund të përdoret te çdo Shitës i autorizuar që ofron servis për automjetet Jaguar.

A mund të vijoj të blej aksesorë për automjetin tim Jaguar?

Ne do të vazhdojmë të ofrojmë gamën e aksesorëve për automjetin tuaj Jaguar, si shtresat për hapësirën e bagazhit ose kutitë për pjesën e sipërme të automjetit. Mësoni më shumë duke kontaktuar Shitësin tuaj të autorizuar lokal këtu.

A mund të blej garanci të zgjatur dhe/ose të rinovoj planin tim të servisit?

Jaguar është angazhuar të mbështesë klientët dhe të ofrojë një përvojë pronësie të shkëlqyer. Garancitë e zgjatura dhe planet e servisit do të jenë të disponueshme për blerje prej Shitësit tuaj të autorizuar. Gjeni Shitësin tuaj të autorizuar lokal këtu.