PREMTIMI I APROVUAR NGA JAGUAR

Garancia për Jaguar Approved është ekskluzivisht për automjete nën 5 vjet nga data e prodhimit që kanë mbuluar më pak se 100,000 km në çastin e blerjes dhe vlen vetëm nëpërmjet shitësve të autorizuar nga Jaguar.
 
Ky mbulim i gjithanshëm është i barabartë me garancinë e një veture të re. Duke përdorur vetëm pjesë origjinale Jaguar, garancia mbulon riparimet për probleme të befta dhe të papritura mekanike ose elektrike, si dhe që punimet të kryhen nga teknikë të trajnuar prej nesh. Asgjë më pak. Nuk ka kufizime për numrin e pretendimeve që mund të ngrihen, deri në çmimin e blerjes së veturës, dhe garancia ju mbulon për së paku dy vjet. Kjo ofrohet vetëm nga shitës të autorizuar nga Jaguar.

Asistenca nga Jaguar është një program i gjithanshëm asistence, i krijuar konkretisht për drejtues të veturave Jaguar për një qetësi absolute shpirtërore. Programi ofron asistencë në çfarëdo urgjence motorike, që nga ndalesa për shkak avarie apo aksidenti, deri në urgjencat më të vogla si p.sh. shpim gomash apo humbje të çelësave.
 
Të gjitha automjetet Jaguar Approved mbulohen për gjithë kohëzgjatjen e periudhës së garancisë me asistencë rrugore për MB-në dhe Evropën. Kjo funksionon 24 orë në ditë, 365 ditë të vitit dhe përfshin riparim në vend, veturë me qira, organizim të mëtejshëm të udhëtimit, ridërgim të automjetit, akomodim dhe shërbim për administrimin e aksidentit. Përfshihen të gjitha.​​

Ne përdorim një listë kontrolli për 165 pika inspektimi që duhet ndjekur fije e për pe. Kjo garanton që vetura juaj të jetë në gjendjen më të mirë të mundshme elektrike dhe mekanike, si dhe karroceria të jetë fringo e re. Me përdorimin e teknologjive, veglave dhe pajisjeve të fundit diagnostike, teknikët tanë i kryejnë këto kontrolle me rigorozitetin maksimal. Inspektimi përfshin gjithmonë bojën, pjesën e brendshme, përgatitjen e plotë të motorit, një provë në rrugë dhe një inspektim përfundimtar përpara se vetura të marrë viston e njërit prej teknikëve tanë të Jaguar. Të gjitha veturat duhet të kalojnë të 165 kontrollet për t'u klasifikuar Jaguar Approved.​

Duhet një lloj i caktuar personi për të kapur nivelet e profesionalizmit, aftësisë dhe kujdesit ndaj hollësisë që kërkojmë ne. Çdo punim servisi do të ndërmerret nga teknikët e trajnuar nga Jaguar me anë të mjeteve specifike, pajisjeve diagnostike dhe pjesëve origjinale Jaguar. Ne punojmë me standarde gjithnjë e më të përpikta, ndaj dhe punimet duhet të ndërmerren vetëm nga shitësit tanë për automjete Approved.​​

Historiku i çdo veture kontrollohet në tërësi me anë të metodave të pavarura kërkimore. Të gjitha veturat vijnë me kilometrazh të verifikuar në mënyrë të pavarur dhe historik të certifikuar pronësie, për të garantuar që të mos ketë probleme të prapambetura financiare me automjetin, si dhe që të mos jetë i vjedhur apo i çregjistruar. Kjo garanton që ta drejtoni automjetin të sigurt duke ditur se automjeti juaj i ri Jaguar Approved ka një historik të plotë dhe jua plotëson pritshmëritë.​​

Çdo veturë i nënshtrohet një prove në rrugë, gjatë së cilës teknikët tanë synojnë të vlerësojnë veçoritë e performancës së secilës veturë. Për shembull sistemet e suspensionit, dridhjeve, frenimit, performanca e motorit, transmisioni dhe nëntë pika të tjera specifike monitorohen për të garantuar performancë maksimale. Shkurtimisht, do të thotë se automjeti juaj Jaguar Approved ka po të njëjtën gjallëri si një i ri.​​

Për të ruajtur standardet e larta që i vendosim vetes dhe shitësve tanë, ne ndërmarrim rregullisht një inspektim të pavarur të shërbimit tonë, ambienteve dhe personelit. Ky mbulon të gjitha aspektet e programit Approved nga perspektiva e klientit, që nga ambientet deri te vetë veturat.