- PRONËSIA
- Shërbimi i Pick-up & Delivery
- PËRMBLEDHJE
- REZERVONI SHËRBIMIN
- QETËSI MENDORE E GARANTUAR
- AKSESORË
- DEF & ADBLUE
- I RI ME NAFTË, BENZINË APO ELEKTRIK?
- PËRDITËSIMI I SOFTUERIT
- MANUALË DHE UDHËZUES
- MERIDIAN SOUND SYSTEMS
- UDHËZUES PËR PRONARIN E AUTOMJETIT ELEKTRIK
- SISTEMET E INFORMACIONIT DHE ARGËTIMIT
- INCONTROL
- INCONTROL
- Touch
- Mbështetja
PPSH PËR APLIKACIONET
A mund ta blej InControl Apps për automjetin tim aktual?
Aktualisht, InControl Apps mund të përfshihet vetëm te një automjet i ri. InControl Apps përzgjidhet kur automjeti porositet, duke qenë se pajisja harduerike montohet në fabrikë. Jemi duke shqyrtuar opsione për të ardhmen.
Kam blerë një Jaguar të përdorur që e ka të instaluar InControl Apps. A mund ta lidh telefonin tim inteligjent me të?
Po. Mjafton ta instaloni InControl Apps në telefonin tuaj inteligjent dhe mund ta përdorni pa problem InControl Apps.
A mund të shkarkoj aplikacione të disponueshme për rajone të tjera?
Duke ndryshuar rajonin tuaj në dritaren Options (Opsionet) të aplikacionit telefonik, ju do të mund të shihni aplikacionet e disponueshme për përdoruesit në rajone të tjera. Ju do të mund t’i shkarkoni këto aplikacione vetëm nëse janë të disponueshme edhe në rajonin tuaj. Shënim: disponueshmëria e aplikacioneve nuk garanton disponueshmërinë e preferencave tuaja gjuhësore.
Sa kushton InControl Apps?
Sistemi InControl Apps kërkon një pagesë të vetme pasi pajisja harduerike duhet të vendoset në fabrikë. Kontaktoni me Shitësin tuaj lokal të autorizuar për koston e tij. InControl Apps është i disponueshëm pa pagesë në Google Play dhe në Apple App Store. Disa aplikacione të palëve të treta mund të kërkojnë blerje ose abonim.
Përse në InControl Apps nuk janë të gjitha aplikacionet e mia të disponueshme?
Vetëm aplikacionet që kanë kaluar procesin e miratimit nga Jaguar mund të përdoren me InControl Apps.
Përditësova telefonin tim dhe InControl Apps nuk po funksionon.
Ne bëjmë të gjitha përpjekjet për të siguruar përputhshmërinë e InControl Apps me sistemet operative më të reja. Provoni ta instaloni sërish aplikacionin telefonik në pajisjen tuaj.
A përdor internet celular InControl Apps?
Po. Rekomandohet që të gjithë telefonat inteligjentë që përdorin InControl Apps të kenë një paketë interneti celular të përshtatshme.
Kur përdor kontrollet zanore, përse më shfaqet se po kryhet një telefonatë?
Kur filloni një sesion zanor, telefoni juaj do të simulojë një telefonatë virtuale (pa tarifim) për të aksesuar mikrofonat e automjetit.
|A mund ta instaloj InControl Apps në më shumë sesa një telefon inteligjent?
Po. Të gjithë telefonat inteligjentë të përputhshëm me InControl Apps të instaluar do të mund të lidhen me Ekranin me prekje. Megjithatë, nuk mund të lidhen njëkohësisht më shumë sesa një pajisje.
Çfarë ndodh nëse nuk ka lidhje me internetin?
Gjatë përdorimit të shërbimeve të InControl në një zonë me mbulim rrjeti të dobët (p.sh., në zona të thella ose rurale), aplikacionet do të shfaqin një mesazh kur të mos ketë lidhje të disponueshme me internetin për një funksion të kërkuar.
A mund ta përdor InControl Apps në çdo automjet Jaguar?
InControl Apps duhet të zgjidhet gjatë porositjes së automjetit tuaj, pasi pajisja harduerike duhet të vendoset në fabrikë. Kontaktoni me Shitësin tuaj lokal të autorizuar për disponueshmërinë e automjeteve.
A duhet ta shkarkoj InControl Apps dhe përditësimet nëpërmjet Wi-Fi?
Si ta instaloj një aplikacion të përputhshëm?
Hapni InControl Apps në telefonin tuaj inteligjent dhe shihni listën Not installed apps (Aplikacionet e painstaluara) deri sa të gjeni aplikacionin që dëshironi të instaloni. Në varësi të pajisjes suaj, zgjedhja e aplikacionit do t’ju drejtojë te Google Play ose Apple App Store. Shkarkojeni dhe instalojeni si zakonisht. Ikona e aplikacionit të ri do të shfaqet në seksionin Installed (Të instaluara) kur të lidhni telefonin tuaj inteligjent me automjetin tuaj më pas.
A duhet të krijoj një llogari për të përdorur disa nga aplikacionet?
Do t’ju rekomandonim që, pasi të shkarkoni aplikacione të palëve të treta nga Google Play ose Apple App Store, ta hapni fillimisht aplikacionin në telefon përpara se ta lidhni atë me automjetin. Aplikacioni mund të ketë leje që duhet të miratohen ose mund të nevojitet krijimi i një llogarie përpara përdorimit të tij në automjet.
Gjatë përdorimit të InControl Apps, përse audioja luhet nëpërmjet boksit të telefonit tim Android dhe jo nëpërmjet sistemit zanor të automjetit?
Telefonat Android duhet të lidhen me Touch Pro nëpërmjet Bluetooth-it dhe USB-së.
InControl Apps është instaluar në pajisjen time, por nuk po lidhet me automjetin
Gjatë lidhjes së telefonit tuaj me automjetin, sigurohuni që pajisja juaj të jetë e shkyçur, kasa ose mbrojtëset e ekranit të mos jenë të mbyllura (disa mund ta kyçin automatikisht telefonin kur mbyllen), që të gjitha aplikacionet e hapura të jenë mbyllur dhe që telefoni të jetë lidhur me portën USB të posaçme për InControl Apps (është emërtuar). Nëse nuk arrini ta zgjidhni problemin në këtë mënyrë, kontrolloni nëse pajisja juaj është e përputhshme duke vizituar faqen e internetit të përputhshmërisë në adresën www.landrover.com.
A duhet ta hap aplikacionin përpara lidhjes me automjetin?
Jo, në telefonat iPhone, nëse aplikacioni nuk është hapur, do t’ju shfaqet një njoftim në telefon për të lejuar hapjen e aplikacionit. Nëse përdorni një telefon Android, ju mund të zgjidhni Always Allow (Lejo gjithmonë) kur t’ju kërkohet, në mënyrë që të mos ju shfaqen më njoftime për hapjen. Mos harroni se telefoni juaj duhet të jetë i shkyçur gjatë lidhjes. Pasi pajisja juaj të jetë lidhur, nuk do të nevojitet ndërveprim i mëtejshëm
me telefonin.
Telefoni im është lidhur dhe mund t’i shoh aplikacionet, por bokset në kabinë nuk nxjerrin tingull. Si të lidhem me Bluetooth-in?
Kur të lidhni telefonin, në Ekranin me prekje do t’ju shfaqet një mesazh për View (Shihni) dhe Bluetooth Settings (Cilësimet e Bluetooth). Për të aksesuar audion nëpërmjet InControl Apps, pajisja juaj duhet të jetë e lidhur me automjetin nëpërmjet Bluetooth-it. Duke zgjedhur Bluetooth Settings (Cilësimet e Bluetooth), ju do të mund të ndiqni hapat për lidhjen e telefonit tuaj. Në lidhjen pasardhëse, mesazhi për Bluetooth Settings (Cilësimet e Bluetooth) do të zëvendësohet nga View and Listen (Shih dhe dëgjo) kur telefoni juaj është lidhur me Bluetooth-in, por nuk është burimi aktiv i audios. Nëse ende nuk arrini të dëgjoni tingull, sigurohuni që telefoni juaj inteligjent të jetë i lidhur me automjetin duke ndjekur hapat e renditur në seksionin e pronarëve të jaguar.co.uk. Gjithashtu, sigurohuni që volumi i audios në telefon dhe në automjet të jetë i lartë.
A do të funksionojë InControl Apps kur automjeti është në lëvizje?
Për arsye sigurie, disa aspekte të InControl Apps reduktohen ose çaktivizohen kur automjeti është në lëvizje.
Bëra një telefonatë dhe m’u desh ta shkyçja iPhone tim përpara se ta përdorja InControl Apps sërish. Përse?
Kjo është një veçori sigurie nga Apple. Kur bëni një thirrje telefonike më të gjatë sesa opsioni Auto-Lock (Kyçja automatike), telefoni do të kyçet pavarësisht lidhjes me InControl Apps. Ju mund ta caktoni Auto-Lock (Kyçja automatike) në iPhone që të mos aktivizohet asnjëherë, si më poshtë: Settings (Cilësimet)> General (Të përgjithshme) > Auto-Lock (Kyçja automatike) dhe zgjidhni Never (Asnjëherë). Shënim: Cilësimi Never (Asnjëherë) për Auto-Lock (Kyçja automatike) mund të mos jetë i disponueshëm në disa rrethana, si në rastin kur iPhone juaj ka cilësime administratori korporate, që kërkojnë një kod pin për t’u aksesuar.
Kur e lidh telefonin tim me automjetin, më shfaqet gjithnjë një mesazh në pajisje për të lejuar lidhjen. Si ta ndaloj shfaqjen e këtij mesazhi?
Në iPhone, mund ta shmangni mesazhin duke shtypur butonin home (faqja kryesore) përpara lidhjes me InControl Apps. Në pajisjet Android, mesazhi përfshin një kutizë konfirmimi për të shmangur mesazhet e ardhshme për lidhjet me automjetin.
Ku duhet ta mbaj pajisjen time gjatë kohës së lidhjes me InControl Apps?
Ju duhet ta mbani pajisjen pranë portës USB të posaçme për InControl Apps.
E kam përditësuar telefonin në iOS 9, përse më duhet të kryej proces miratimi përpara përdorimit të një aplikacioni të ri në automjet?
Kjo është një veçori sigurie e re, e përfshirë nga Apple në përditësimin e iOS 9. Të gjitha aplikacionet e palëve të treta, me përjashtim të tri aplikacioneve virtuale (Calendar, Music dhe Contacts) do të kërkojnë miratim. Procesi përshkruhet me hollësi në vijim.
Çfarë ndodh nëse nuk e përditësoj pajisjen në iOS 9?
Ky proces miratimi është për të gjithë telefonat iPhone që përdorin iOS 9. Nëse nuk e keni përditësuar telefonin në iOS 9, nuk do t’ju duhet të miratoni çdo aplikacion përpara përdorimit. Gjithsesi, ne ju rekomandojmë që ta vendosni aplikacionin në punë përpara se të lidheni me automjetin. Ju lutemi, vini re se pasi të keni kryer përditësimin, telefoni nuk mund të rikthehet te një version iOS i mëparshëm.
A pranohen pajisjet tabletë?
A duhet ta përditësoj softuerin e iPhone tim?
InControl Apps funksionon më mirë me softuerin operativ më të fundit (Apple iOS 8+).
TEMAT E LIDHURA
ARGËTIMI DHE MEDIA
ABONIMET
SIGURIA
PËRDITËSIMET E SOFTUERIT
NUK PO GJENI INFORMACIONIN E NEVOJSHËM?
Shitësi juaj lokal i autorizuar do të jetë i disponueshëm për t’u përgjigjur pyetjeve tuaja rreth sistemit të informacionit dhe argëtimit në pikën e shitjes ose nëpërmjet telefonit.
Funksionet dhe opsionet e InControl-it dhe disponueshmëria e tyre mbeten në varësi të tregut - flisni me Shitësin tuaj të autorizuar për disponueshmërinë në tregun vendas dhe kushtet e plota. Disa veçori vijnë me abonim i cili do të kërkojë rinovim të mëtejshëm pas afatit fillestar të këshilluar nga Shitësi juaj i autorizuar. Lidhja celulare nuk mund të garantohet në të gjitha vendndodhjet.