- PRONËSIA
- Shërbimi i Pick-up & Delivery
- PËRMBLEDHJE
- REZERVONI SHËRBIMIN
- QETËSI MENDORE E GARANTUAR
- Aksesorët
- DEF & ADBLUE
- I RI ME NAFTË, BENZINË APO ELEKTRIK?
- PËRDITËSIMI I SOFTUERIT
- MANUALË DHE UDHËZUES
- MERIDIAN SOUND SYSTEMS
- UDHËZUES PËR PRONARIN E AUTOMJETIT ELEKTRIK
- SISTEMET E INFORMACIONIT DHE ARGËTIMIT
- INCONTROL
- INCONTROL
- Touch
- Mbështetja
PPSH PËR NAVIGACIONIN
Përse nuk mund ta kaloj pamjen e hartës me veriun nga lart?
Bazuar te studimet e përdoruesve, e projektuam sistemin e navigacionit të Touch Pro sipas pamjes me drejtimin nga lart. Pjesa dërrmuese e përdoruesve preferojnë këtë lloj pamjeje, duke qenë se mundëson një interpretim më të lehtë dhe të shpejtë të rrugës ndërsa kalohet nëpër të. Menduam se përshtatja e pamjeve të tjera të hartës me drejtimin nga lart do të eliminonte ngatërresat e mundshme.
Pamja me drejtimin nga lart mund të ndërthuret me pamjen veriu nga lart për shfaqur pozicionin tuaj aktual dhe destinacionin në kontekstin e itinerarit të mbetur ose itinerarit të plotë. Krahas kësaj, kërkimet shfaqen gjithnjë në pamjen veriu nga lart për të paraqitur kontekstin e vendndodhjes suaj aktuale drejt destinacionit. Gjithashtu, ekziston dhe një alternativë e përkohshme me veriun nga lart gjatë shfletimit të hartës.
Përse ekrani i instrumenteve virtuale kthehet pas te pamja e grupit të instrumenteve ndërmjet rrugëtimeve?
Për t'ju mbajtur plotësisht të përditësuar me statusin e automjetit tuaj në lidhje me karburantin, nivelet e vajit dhe çdo njoftim tjetër të rëndësishëm.
Përse harta e navigacionit ndalon së lëvizuri kur përdor gjestin e zmadhimit me gishta?
Ndonjëherë, informacioni i limitit të shpejtësisë, që shfaqet në sistemin e Navigacionit, nuk përkon me atë të shfaqur në sinjalistikën rrugore, përse ndodh kjo?
Nëse automjeti juaj nuk vjen me Dallimin e shenjave të qarkullimit, atëherë limitet e shpejtësisë që shfaqen bazohen tek informacioni i disponueshëm në momentin e përpilimit të bazës së integruar të të dhënave të hartave.
Megjithëse ne bëjmë përpjekjet maksimale për të mundësuar informacione të sakta, përgjegjësia për zbatimin e rregulloreve të qarkullimit i përket tërësisht drejtuesit.
Cili është dallimi ndërmjet alternativave të itinerareve të ndryshme që shfaqen?
Itinerari i parë është gjithmonë më i shpejti bazuar te Real Time Traffic Information (Informacioni për trafikun në kohë reale). Në rast se kushtet e trafikut ndryshojnë gjatë udhëtimit tuaj, sistemi do të gjejë një itinerar të ri automatikisht. Nëse zgjidhni alternativën e dytë ose të tretë (duke supozuar se ka alternativa të tjera itinerari) dhe kushtet e trafikut përkeqësohen, sistemi do t’ju njoftojë për një alternativë më të shpejtë - shtypni OK për të përditësuar itinerarin aktual. Zakonisht nuk ka dallim sa i përket kohës së udhëtimit ndërmjet alternativës së dytë dhe të tretë të itinerarit.
Sa pika kalimi mund të krijoj brenda një itinerari?
Ju mund të krijoni deri në 10 pika kalimi brenda një itinerari, duke përfshirë destinacionin tuaj. Ato renditen sipas radhës që i keni shtuar. Për t’i riorganizuar pikat tuaja të kalimit, mjafton të shtypni ikonën e menusë në këndin e poshtëm të hartës dhe të zgjidhni Edit (Modifiko).
Përse faqja kryesore shfaq një kohë të parashikuar mbërritjeje (ETA) për një destinacion që nuk e kam zgjedhur?
Nëse keni aktivizuar Commutes (Itineraret e zakonshme) në menunë Navigation Settings (Cilësimet e navigacionit), destinacioni do të jetë një ‘itinerar i zakonshëm’ i mësuar nga vendndodhja juaj aktuale dhe orari. Sistemi i Navigacionit parashikon se ky mund të jetë destinacioni juaj i mundshëm dhe ETA përkon me të. Nëse itineraret e zakonshme janë aktivizuar, sistemi mund t’ju shfaqë ETA-n përkatëse edhe nëse nuk keni përcaktuar destinacion, me qëllim që t’ju mbajë të informuar për problematika të mundshme gjatë itinerarit tuaj të preferuar. Nëse, ndonjëherë, udhëtoni nëpër një rrugë tjetër drejt të njëjtit destinacion, sistemi do ta mësojë edhe këtë itinerar. Kur për të njëjtin destinacion janë mësuar disa itinerare, sistemi shfaq itinerarin më të shpejtë dhe ETA bazuar te kushtet aktuale. Kur të nisni udhëtimin tuaj, ai do të shfaqet si vijë në hartë, por nuk do t’ju lexojë me zë udhëzimet e njëpasnjëshme, sepse supozon që ju e dini rrugën. Megjithatë, nëse kushtet e qarkullimit përkeqësohen, dhe ju kaloni nëpër rrugë të ndryshme nga ato të mëparshmet drejt destinacionit, sistemi do t’ju pyesë nëse dëshironi të aktivizoni udhëzimin e njëpasnjëshëm. Ky udhëzim mund të jetë veçanërisht i dobishëm nëse ndodheni në një vendndodhje të panjohur për ju.
Sa udhëtime duhet të kryej drejt të njëjtit destinacion përpara se veçoria Commute (Itineraret e zakonshme) të mësojë itinerarin?
Zakonisht nevojiten dy udhëtime drejt të njëjtit destinacion nga e njëjta pikënisje, që një ‘itinerar i zakonshëm’ të mësohet. Gjithashtu, ora aktuale duhet të jetë +/- 1 orë nga ora e mësuar e nisjes.
Si ta përcaktoj destinacionin?
Ju mund ta përcaktoni destinacionin me Touch Pro në një sërë mënyrash.
1. Për të aksesuar ekranin e opsionit Set Destination (Cakto destinacionin) nga faqja kryesore, shtypni ikonën Set Destination (Cakto destinacionin) në kutizën e navigacionit. Ju do të shkoni direkt tek ekrani i kërkimit ku mund të vendosni një kod postar, adresën ose emrin e vendit në një rresht të vetëm.
2. Shtypni dy herë ikonën e Navigacionit në fundin e Ekranit me prekje. Kjo ikonë ju kalon direkt tek ekrani Destination settings (Cilësimet e destinacionit). Këtu, mund të zgjidhni njërën nga tri opsionet, Address entry (Vendosja e adresës) (duke përfshirë kodin postar), Search (Kërko) ose Destinations (Destinacionet). Destinations (Destinacionet) mund të jenë Home (Shtëpia), Recent destinations (Destinacionet e fundit), Favourite destinations (Destinacionet e preferuara), Shared destinations (Destinacionet e ndara) ose Commutes (Itineraret e zakonshme).
3. Kur një itinerar i zakonshëm është i disponueshëm, ai do të shfaqet në kutizën e navigacionit në faqen kryesore. Nëse, bazuar te vendndodhja juaj aktuale dhe ora, shfaqet më shumë sesa një itinerar i zakonshëm, atëherë do të renditen commutes available (itineraret e zakonshme të disponueshme). Shtypja e kutizës së navigacionit do t’ju kalojë direkt te lista e itinerareve të zakonshme të disponueshme.
4. Përndryshe, zgjidhni një destinacion nga ekrani i hartës, dhe shtypni butonin e menusë në këndin fundor të hartës. Sërish, do të shfaqen tri opsionet e destinacionit, Address (Adresa), Search (Kërko) dhe Destinations (Destinacionet).
5. Ju mundeni edhe t’i dërgoni automjetit tuaj vende ose destinacione nëpërmjet aplikacionit telefonik ose faqes së internetit Route Planner. Një vend ‘saved’ (i ruajtur) në Route Planner do të shfaqet te destinacionet tuaja të preferuara pasi automjeti juaj të jetë lidhur me internetin dhe të ketë sinkronizuar destinacionet. Nëse Navigacioni është i hapur në ekran kur merret një destinacion i ri prej Route Planner, destinacioni do të shfaqet si një panel i veçantë. Nëse shtypni use now (përdor tani), destinacioni do të konfirmohet në sistemin e navigacionit të automjetit. Vendet e përcaktuara si destinacion nëpërmjet Route Planner shfaqen te destinacionet e fundit.
Përse destinacioni që i dërgova automjetit tim nuk është shfaqur në sistemin e Navigacionit të automjetit?
Destinacionet mund të merren vetëm kur automjeti të ketë lidhje të përshtatshme me internetin. Në disa raste, megjithëse sistemi mund të shfaqet si i lidhur, rrjeti celular mund të jetë i ngarkuar, çka e pengon sistemin që të marrë destinacionin. Destinacionet e marra nga automjeti do të shfaqen vetëm kur të jeni duke eksploruar funksionin Navigation (Navigacioni) të sistemit. Më pas, destinacioni do të shfaqet si itinerar në anë të Ekranit me prekje ose si një mesazh për konfirmim. Nëse destinacioni është marrë nga automjeti gjatë kohës që po përdornit një veçori tjetër veç Navigation (Navigacionit), atëherë destinacioni mund të gjendet te recent destinations (destinacionet e fundit).
Si mund t’i shoh itineraret alternative?
Pasi të keni përzgjedhur një destinacion, shtypni Route options (Opsionet e itinerarit) për të parë itinerarin standard (në krye të listës) dhe deri në dy itinerare alternative. Zgjidhni itinerarin tuaj të parapëlqyer dhe shtypni start (fillo) për të nisur udhëzimin.
Si mund ta përdor funksionin e kërkimit të destinacionit?
Mjafton të vendosni një vend, kod postar ose adresë në fushën e kërkimit. Edhe nëse nuk e shkruani saktë emrin/adresën, zakonisht funksioni i kërkimit do ta njohë vendndodhjen.
Nëse automjeti juaj ka lidhje me internetin, kërkimi do të aksesojë informacionin më të fundit në cloud, si dhe në bazën e integruar të të dhënave të automjetit tuaj.
Cila është mënyra më efikase për të kërkuar një destinacion?
Për të kursyer kohë, shtypni ikonën e fshehjes së tastierës pasi të keni shtypur 3-4 shkronjat e para. Kështu, do t’ju shfaqet një listë me vendndodhjet e mundshme. Ndërsa kaloni përgjatë listës, pamja e hartës do të përditësohet automatikisht, në mënyrë që ju të mund ta shihni me lehtësi vendndodhjen në kontekstin e rrugës, destinacionit ose pozicionit tuaj aktual.
Klikoni te destinacioni i dëshiruar për të parë një pamje paraprake të itinerarit në hartë. Nëse automjeti juaj ka lidhje me internetin, do të shfaqen edhe pamjet në nivel rruge për vendndodhjen nëse është e mundur.
Nëse shtypni ikonën e pamjes së plotë në cepin e figurës, do të zmadhohet pamja në nivel rruge. Lëvizja nëpër imazh ju mundëson që ta rrotulloni atë 360 gradë. Shtypja e ‘...’ shfaq informacione të mëtejshme, si të dhënat e adresës, dhe vlerësimet e postuara së fundmi, nëse ka. Në varësi të destinacionit tuaj, mund të shfaqet një vlerësim me yje bazuar te vlerësimet nga faqet si TripAdvisor.
Nëse destinacioni është një parking automjetesh, dhe parkingu i automjeteve e mbështet këtë informacion, do të shfaqet një ekran tjetër informues për çmimin dhe disponueshmërinë e hapësirave.
Kada je navođenje aktivno, klikom sa strane okvira za pretraživanje možete da potražite drugu lokaciju u blizini svog odredišta – na primer, restoran za ručak.
Kur vendos një kod postar duke përdorur metodën e vendosjes së adresës, përse nuk mundem të vendos edhe numrin e banesës?
Opsioni i vendosjes së kodit postar e nis kërkimin nga një pikë qendrore brenda kodit postar përkatës. Megjithatë, mund të kërkoni edhe duke përdorur një emër rruge dhe numër banese.
Why does the fuel-warning icon sometimes appear when I set a destination?
Për t’ju njoftuar se nuk keni mjaftueshëm karburant për të kryer udhëtimin tuaj pa ndaluar për të rimbushur serbatorin.
Për të shtuar një ndalesë karburanti në itinerarin tuaj, klikoni mbi ikonën e paralajmërimit për karburantin. Ky buton do t’ju shfaqë pikat rimbushëse gjatë rrugës suaj për të kryer rimbushjen me karburant. Gjithashtu, ai do të mundësojë edhe një kohë të parashikuar mbërritjeje (ETA) më të saktë.
Once I’ve parked my vehicle, how can I continue the journey from my smartphone?
Hapni Route Planner në telefonin tuaj inteligjent Apple ose Android. Për sa kohë që ndodheni mbi 30 metra larg destinacionit që përcaktuat fillimisht (dhe nëse nuk e anuluat udhëzuesin përpara zbritjes nga automjeti juaj) destinacioni do të sinkronizohet në telefonin tuaj inteligjent përmes cloud. Në varësi të cilësimeve tuaja për itinerarin, aplikacioni do t’ju udhëzojë deri në destinacionin tuaj në këmbë ose me transport publik.
Në disa raste, aplikacioni shoqërues mund të kërkojë deri në 30 sekonda për të rifreskuar dhe sinkronizuar destinacionet dhe pozicionin e automjetit tuaj nga cloud. Ju lutemi, mos e mbyllni dhe rihapni aplikacionin gjatë kësaj kohe, pasi kjo mund të shkaktojë risinkronizimin e destinacionit tuaj dhe pozicionit të automjetit tuaj.
Ju lutemi, mbani parasysh se, nëse ndodheni në një vendndodhje me mbulim rrjeti të dobët, destinacioni juaj mund të mos sinkronizohet me aplikacionin Route Planner.
Nëse jam duke përdorur sistemin e Navigacionit në modalitetin udhëzues dhe kërkoj për një destinacion të ri, përse sistemi nuk më lejon që ta zëvendësoj destinacionin aktual me atë që sapo kërkova?
Ne dolëm në përfundimin se shtimi i opsionit për ‘zëvendësimin e destinacionit aktual’, duke marrë parasysh shpeshtësinë e këtij skenari, thjesht sa do ta ndërlikonte në mënyrë të panevojshme përdorimin. Mënyra më e drejtpërdrejtë për të vendosur një destinacion të ri është të anuloni udhëzuesin nga menuja e Navigacionit dhe të caktoni një destinacion të ri.
Kur vendos një adresë, përse duhet që gjithmonë të shkruaj qytetin pastaj rrugën?
Në mënyrë që ta gjeni më shpejt rrugën që po kërkoni. Disa qytete kanë emra të njëjtë rrugësh, ndaj, duke shkruar qytetin të parin, lista e rrugëve të mundshme reduktohet.
Megjithatë, ju mund të shkruani emrat e vendeve ose adresat në një rresht të vetëm duke përdorur opsionin Search (Kërko).
Si ta shpërndaj kohën e parashikuar të mbërritjes (ETA)?
Pasi automjeti juaj të jetë lidhur me internetin dhe të keni hyrë në Llogarinë Navigation, shtypni kutizën në fund të Ekranit me prekje ku shfaqet informacioni për ETA-n. Zgjidhni se cilëve dëshironi t’ua shpërndani ETA-n tuaj me SMS (në varësi të disponueshmërisë së tregut), tekst ose email, dhe zgjidhni nëse dëshironi që t’u dërgoni përditësime çdo 5, 10 ose 20 minuta.
Kontaktet tuaja mund të ruhen nëpërmjet navigation settings (cilësimet e navigacionit) ose nëpërmjet këtij ekrani. Sistemi do t’i ruajë automatikisht kontaktet e reja, duke e lehtësuar më tej shpërndarjen e ETA-s suaj kur të hyni sërish.
A mund ta përdor listën e kontakteve nga telefoni im inteligjent i lidhur për të shpërndarë kohën time të parashikuar të mbërritjes (ETA)?
Objektivi ynë është që t’jua lehtësojmë sa më shumë shpërndarjen e ETA-s suaj, ndaj menduam se ndërlidhja me kontaktet e telefonit tuaj krijonte hapa dhe kritere kërkimi të tepërta. Duke qenë se kjo veçori do të përdoret përgjithësisht me një grup të vogël personash rregullisht, ne dolëm në përfundimin se programimi paraprak i një grupi të kufizuar email-esh dhe/ose numrash telefoni do ta bënte këtë funksion më të lehtë në përdorim.
A duhet ta shkruaj numrin tim të telefonit apo adresën time të email-it për të dërguar njoftime për ETA/vendin/vendndodhjen?
Jo, mjafton që të keni hyrë në Llogarinë Navigation dhe të keni lidhje aktive me internetin. Mesazhi do të jetë nga Land Rover, por do të përfshijë emrin e përdoruesit të llogarisë suaj si dërgues të informacionit, bashkërisht me të dhënat e destinacionit dhe ETA/vendit/vendndodhjes suaj.
Çfarë është Arrival Mode (Modaliteti i mbërritjes)?
Kur të ndodheni 300m larg nga destinacioni juaj, do t’ju shfaqet një njoftim i madh i Arrival Mode (Modaliteti i mbërritjes) për t’ju rikujtuar adresën. Gjithashtu, do t’ju shfaqë edhe një pamje në nivel rruge, sipas disponueshmërisë.
Nëse e kaloni destinacionin tuaj me mbi 600m, udhëzimet e itinerarit do t’ju ndihmojnë të ktheheni pas. Ky funksion jua bën më të lehtë gjetjen e një hapësire parkimi aty pranë, pa humbur kontekstin e destinacionit tuaj. Gjithashtu, do të shfaqet edhe një buton i madh Parking (Parkimi) nëse pranë jush ndodhen hapësira parkimi. Shtypni njërin nga parkingjet për ta shtuar si pikë kalimi në itinerarin tuaj. Automjetet e lidhura mund të shfaqin edhe një status të parkingut (sipas disponueshmërisë), ku tregohet nëse parkingu është plot, thuajse plot, etj.
Edhe kur itinerari përditësohet me parkingun, destinacioni juaj fillestar i përcillet aplikacionit telefonik Route Planner, duke ju bërë të mundur udhëzimet nëse do të lëvizni në këmbë ose me transport publik (nëse realizohet) drejt destinacionit tuaj përfundimtar.
Cili është dallimi ndërmjet një profili navigation (navigacioni) dhe një Llogarie Navigation?
Profili i navigacionit u mundëson drejtuesve të ndryshëm të ruajnë cilësimet e tyre personale të navigacionit dhe destinacionet përkatëse. Kur zgjidhni profilin tuaj, sistemi i navigacionit do të kalojë automatikisht te cilësimet dhe destinacionet tuaja. Llogaria Navigation ju mundëson shtrirjen e mëtejshme të aftësive të lidhura të sistemit të navigacionit, duke bërë të mundur:
1. Sinkronizimin e vendeve/destinacioneve ndërmjet sistemit të navigacionit të automjetit, aplikacionit telefonik Route Planner dhe faqes së internetit Route Planner.
2. Navigacionin nga destinacioni në destinacion duke përdorur aplikacionin telefonik Route Planner për të kërkuar një vend me interes dhe më pas për ta caktuar si destinacion.
3. Ndarja e kohës së parashikuar të mbërritjes (ETA) me SMS ose e-mail.
4. Ndarja e vendeve dhe vendndodhjes suaj aktuale me miqtë.
Si përditësohet baza e të dhënave e kamerës së sigurisë?
Baza e të dhënave e kamerës së sigurisë përditësohet kur përditësohet baza e të dhënave e hartave.
Ne përfshijmë vendndodhje të kamerës së sigurisë për të theksuar pikat e njohura të aksidenteve. Synimi ynë është që t’i ndihmojmë klientët tanë, pasagjerët e tyre dhe udhëtarët e tjerë në rrugë që të qëndrojnë të sigurt.
Megjithëse ne bëjmë përpjekjet maksimale për të mundësuar informacione të sakta, përgjegjësia për zbatimin e rregulloreve të qarkullimit i përket tërësisht drejtuesit.
Përse më kërkohet data e lindjes gjatë procesit të regjistrimit të Llogarisë Navigation?
Ju duhet të jeni mbi moshën 16 vjeç për të dhënë miratimin tuaj ligjor të vlefshëm për kushtet e ndryshme që lidhen me regjistrimin e një Llogarie Navigation.
Si ta përditësoj hartën time?
Procesi për përditësimin e hartës suaj do të varet nga sistemi i navigacionit i automjetit tuaj. Sistemi i navigacionit i automjetit tuaj varet nga modeli i automjetit tuaj dhe data përkatëse e prodhimit, e njohur ndryshe si “viti i modelit”. Viti i modelit i automjetit tuaj mund të gjendet në dokumentet e automjetit. Për të gjetur se cilin sistem navigacioni keni dhe se si ta përditësoni atë, ju lutemi të vizitoni faqen Map Updates (Përditësimet e hartës).
Si ta transferoj hartën time të shkarkuar nga një pajisje USB tek automjeti im?
Hapi 1.
Ndizeni motorin e automjetit tuaj dhe sigurohuni që sistemi i navigacionit të jetë aktivizuar. Shënim: Motori duhet të jetë i ndezur gjatë të gjithë procesit të përditësimit të hartës për të siguruar mosndërprerjen e përditësimit për shkak të masave të kursimit të energjisë në automjet. Mos e lëvizni automjetin. Shënim: Ju mund ta drejtoni automjetin pasi procesi i përditësimit të ketë filluar, por sistemi i navigacionit nuk mund të përdoret për itinerare deri kur procesi i përditësimit të hartës të ketë përfunduar.
Hapi 2.
Gjeni portën e USB-së në automjet, që zakonisht gjendet në hapësirën qendrore ndërmjet ndenjëseve të përparme. Vendosni pajisjen USB, që përmban të dhënat e hartës së shkarkuar, në portën përkatëse. Ndiqni udhëzimet e shfaqura në ekran për të kryer instalimin e hartës.
Hapi 3.
Pasi përditësimi të jetë kryer, hiqeni pajisjen USB dhe klikoni Continue (Vazhdo). Sistemi i navigacionit do të fiket dhe rindizet automatikisht. Klikoni Continue (Vazhdo) për t’u kthyer në faqen kryesore. Tani mund ta përdorni hartën tuaj të re.
Në modalitetin Guidance (Udhëzimi), a mund ta përshtat se cilat njoftime shfaqen në krah të hartës?
Po, ju mund ta përshtatni se cilat njoftime shfaqen duke shkuar te Settings (Cilësimet) > Navigation settings (Cilësimet e navigacionit) > Alerts (Njoftimet). Gjithashtu, mund të shtypni mbi njoftimet për t’i hequr.
Përse kutizat anësore në ekranin kryesor të Navigacionit zhduken kur automjeti fillon të lëvizë?
Kutizat anësore në ekranin kryesor të Navigacionit janë projektuar për t’ju ndihmuar që të planifikoni udhëtimin tuaj përpara nisjes.
A mund t’i ndryshoj udhëzimet zanore të Navigacionit nga zë mashkullor në femëror dhe anasjellas?
Për shumicën e gjuhëve po, mjafton të shkoni te Settings (Cilësimet) > All settings (Të gjitha cilësimet) > Language and keyboards (Gjuha dhe tastierat).
A mund ta rregulloj volumin e udhëzuesit të Navigacionit dhe njoftimeve të Park Distance Control (Kontrolli i distancës së parkimit)?
Po, të gjitha burimet zanore nga Touch Pro mund të përshtaten në nivelin e dëshiruar të volumit. Gjatë kohës që burimi zanor është aktiv, mjafton të përdorni kontrollin kryesor të volumit deri sa të arrini nivelin e dëshiruar.
Shënim: Disa burime kanë një nivel minimal volumi për të siguruar që të gjitha veçoritë e rëndësishme të sigurisë të sistemit do të mund të dëgjohen në çdo kohë.
A mund t’i aktivizoj njoftimet zanore të trafikut të transmetuara nga stacionet lokale të radios?
Po, shkoni te Settings (Cilësimet) > All settings (Të gjitha cilësimet) > Features (Veçoritë) > Media Settings (Cilësimet e medias) > AM FM Radio
TEMAT E LIDHURA
ARGËTIMI DHE MEDIA
APLIKACIONET
SIGURIA
PËRDITËSIMET E SOFTUERIT
NUK PO GJENI INFORMACIONIN E NEVOJSHËM?
Shitësi juaj lokal i autorizuar do të jetë i disponueshëm për t’u përgjigjur pyetjeve tuaja rreth sistemit të informacionit dhe argëtimit në pikën e shitjes ose nëpërmjet telefonit.
Funksionet dhe opsionet e InControl-it dhe disponueshmëria e tyre mbeten në varësi të tregut - flisni me Shitësin tuaj të autorizuar për disponueshmërinë në tregun vendas dhe kushtet e plota. Disa veçori vijnë me abonim i cili do të kërkojë rinovim të mëtejshëm pas afatit fillestar të këshilluar nga Shitësi juaj i autorizuar. Lidhja celulare nuk mund të garantohet në të gjitha vendndodhjet.