CILËSIMET DHE KONTROLLET E SISTEMIT PPSH

Si ta konfiguroj/modifikoj faqen kryesore të personalizueshme?

Për të shtuar një shkurtesë/shtesë shtypni dhe mbani shtypur një pjesë të zbrazët të ekranit kryesor. Për ta zhvendosur një shkurtesë/shtesë, mjafton të shtypni ikonën edit (modifiko) në fund të Ekranit me prekje. Shtypni + për të zgjedhur zonën ku dëshironi ta vendosni shkurtesën/shtesën e re.

Për të fshirë një shkurtesë/shtesë, tërhiqeni në pjesën fundore të Ekranit me prekje, ku do të shfaqet një shirit për ta fshirë.

Për ta zhvendosur një shkurtesë/shtesë ndërmjet faqeve kryesore, tërhiqeni në skajin e ekranit, ku do të shfaqet faqja pasardhëse/paraardhëse. Lëshojeni shkurtesën/shtesën kur të gjeni pozicionin e dëshiruar.

Shkurtesat/shtesat e modifikueshme mund të zmadhohen/zvogëlohen duke klikuar ikonën përkatëse në këndin e poshtëm djathtas të shkurtesës/shtesës në modalitetin e modifikimit.

Ju lutemi, vini re se konfigurimi/modifikimi i faqeve të personalizueshme mund të kryhet vetëm kur automjeti nuk është në lëvizje.

---

Përse ndonjëherë nuk mundem që ta ndryshoj madhësinë e shtesave/shkurtesave në ekranin kryesor të personalizuar?

Madhësia e disa shtesave/shkurtesave nuk mund të ndryshohet, ndërsa disa të tjera mund të kenë opsione të kufizuara për ndryshimin e madhësisë. Kjo shërben për të siguruar që funksioni i shkurtesave/shtesave nuk do të cenohet, për shembull, duke i bërë ato shumë të vogla.

---

Kam krijuar një faqe kryesore vetë, a mund ta caktoj si faqen kryesore standarde?

Po, ju mund t’i caktoni vetë faqet kryesore, në mënyrë që të ktheheni automatikisht tek ato kur të shtypni butonin home (faqja kryesore). Shkoni te Settings (Cilësimet) > Home settings (Cilësimet e faqes kryesore) Nëse e shtypni butonin home një herë, do të ktheheni te faqja juaj kryesore standarde.

Nëse e shtypni butonin home dy herë, do t’ju shfaqen të gjitha faqet bashkë me faqen e veçorive shtesë. Ky funksion përshpejton aksesimin e faqeve të caktuara pasi të keni shtuar disa faqe kryesore.

---

Sa faqe kryesore mundem të krijoj?

Ju mund të krijoni deri në 4 faqe kryesore të reja krahas faqes kryesore të krijuar nga fabrika.

---

A mund ta modifikoj faqen kryesore të krijuar nga fabrika?

Jo, kjo faqe nuk mund të modifikohet.

---

A mund ta zgjedh vetë sfondin?

Aktualisht, ju mund të zgjidhni vetëm njërën nga alternativat e sfondit që vijnë me automjetin.

Cili është funksioni i ikonave të vogla katrore brenda secilit kuadrant në faqen kryesore?

Ikona e vogël katrore në anën e paneleve të veçorive kryesore shërben për të aksesuar shpejt një veçori të caktuar. Për shembull, posta zanore, kontrollet e ndenjëseve, aktivizimi/anulimi i udhëzuesit të navigacionit, luajtja/ndërprerja e muzikës, etj., në varësi të burimit të medias që po përdorni.

---

Cilat funksione mund të kontrollohen nëpërmjet butonave të timonit?

Në varësi të specifikave të automjetit tuaj, ju mund të kontrolloni veçoritë e mëposhtme të Touch Pro nëpërmjet timonit:

• Kontrolli i volumit të Medias, Telefonit, komentet për Park Distance Control (Kontrolli i distancës së parkimit), udhëzuesi i Navigacionit dhe komentet për Voice Recognition (Njohja e zërit).
• Ju mund të ndryshoni llojet e medias duke përdorur butonin e modalitetit, për shembull, TV, Radio, Bluetooth Media (Media bluetooth), iPod, USB, në varësi të specifikave të automjetit dhe burimeve të disponueshme në momentin e posaçëm.
• Kontrollet majtas/djathtas mund të përdoren për të ndryshuar këngët dhe kanalet TV/stacionet e radios që dëshironi. Shënim: Nëse mbani shtypur butonin majtas/djathtas, do të nisni kërkimin e një stacioni radioje.

Duke përdorur Virtual Instrument Display (Ekrani i instrumenteve virtuale) të ri, mund të zgjidhni edhe burimin e medias, stacionet e parapëlqyera TV/radio, ose të zgjidhni nga një listë e thirrjeve më të fundit telefonike. Për ta bërë këtë, shtypni butonin Menu/OK në timon dhe më pas kaloni tek alternativa përkatëse, p.sh., Favourites (të preferuarat), Source (burimi), Recents (të fundit). Klikoni Menu/OK për të përzgjedhur nënmenunë përkatëse. Duke përdorur kontrollet lart/poshtë në timon, ju mund të kaloni tek alternativa e dëshiruar dhe klikoni Menu/OK për të zgjedhur numrin, të preferuarën ose burimin.

---

Përse nuk ekziston opsion për të ndryshuar orën?

Ora sinkronizohet automatikisht me satelitët GPS bazuar te pozicioni aktual i automjetit tuaj. Si rrjedhojë, sistemi do të përditësohet automatikisht gjatë udhëtimit ndërmjet zonave orare ose ndryshimit të orës. Kjo siguron funksionimin sa më të saktë të sistemit Real Time Traffic Information (Informacioni në kohë reale për trafikun), duke garantuar saktësinë e informacionit për udhëtimin tuaj.

---

Në varësi të veçorisë që jam duke përdorur, kur klikoj butonin Settings (Cilësimet) më shfaqen opsione të ndryshme, përse ndodh kjo?

Dëshironim t’ju mundësonim akses më të lehtë te cilësimet e përgjithshme, si dhe akses më të shpejtë te disa nga cilësimet e përdorura më shpesh, si ekrani dhe audio. Për këtë arsye, në pjesën e poshtme të Ekranit me prekje është vendosur një ikonë për cilësimet (dy ingranazhet) në çdo veçori kryesore. Shtypja e këtij butoni shfaq ekranin e cilësimeve për veçorinë përkatëse.

Në krye të ekranit, një buton i madh ndryshon në mënyrë dinamike në varësi të veçorisë që është duke u përdorur në atë moment. Për shembull, nëse jeni duke përdorur veçorinë Navigation (Navigacioni), do t’ju shfaqen Navigation settings (Cilësimet e navigacionit). Në pjesën e poshtme ndodhen kontrolle për të ndryshuar ndriçimin automatik të Ekranit me prekje ose për ta çaktivizuar plotësisht. Dy butonat e mëdhenj në seksionin e poshtëm ju mundësojnë akses te All settings (Të gjitha cilësimet) dhe Audio settings (Cilësimet e audios).

---

Butoni Back (Prapa) nuk më kthen gjithmonë te veçoria/ekrani që përdora për herë të fundit, përse ndodh kjo?

Për t’ju ndihmuar që të mos kryeni hapa të tepërt, Touch Pro përdor një logjikë hierarkike dhe jo historike për butonin Back (Prapa). Ky buton ju kthen pas te nivelet e sistemit dhe jo te veçoria që përdorët për herë të fundit.

---

Sa alternativa të parapëlqyera për TV/Radio mund të aksesoj drejtpërdrejt nga menuja e grupeve nëpërmjet kontrolleve në timon?

14 alternativat e para të parapëlqyera mund të zgjidhen nga ekrani i instrumenteve virtuale. Nëse alternativa juaj e preferuar nuk është e disponueshme, ju mund ta riorganizoni listën pasi automjeti të mos jetë më në lëvizje.

---

Si mund ta ndryshoj se cili informacion shfaqet në panelin e veprimeve të shumëfishta?

Lëvizini panelet lart ose poshtë për të zgjedhur:
• Navigation (Navigacioni)
• Phone (Telefoni)
• Media
• Weather (Moti) (kërkon Connect Pro nëse disponohet)
• Të rejat (kërkon Connect Pro nëse disponohet dhe varet nga tregu)

---

Modaliteti i ndenjëseve me masazh aktivizohet automatikisht, si mund ta çaktivizoj?

Ju mund të keni zgjedhur gabimisht aktivizimin automatik të funksionit të masazhit. Shkoni te Settings (Cilësimet) > All settings (Të gjitha cilësimet) > Features (Veçoritë) > Seats (Ndenjëset) > Auto massage (Masazhi automatik)

---

Sa kohë zgjat programi i masazhit?

Një cikël i plotë masazhi zgjat për 10 minuta.

Cilat veçori mund t’i kontrolloj me Sistemin e ri të njohjes së zërit?

Sistemi i njohjes së zërit nga Land Rover mundëson akses më të sigurt te sistemet tuaja të medias dhe telefonit. Për të aktivizuar njohjen e zërit, shtypni butonin e kontrollit zanor në timon.

---

Përse disa stacione radioje nuk njihen nga Sistemi i Njohjes së zërit?

Kjo mund të ndodhë kur disa stacione radioje kanë emra të ngjashëm. Në këtë rast, sistemi do të shfaqë një listë të stacioneve të mundshme nga mund të zgjidhni. Mjafton të shtypni emrin e stacionit tuaj ose të lexoni me zë të lartë numrin rendor përkatës.

Ose mund të provoni të thoni me zë emrin e plotë të stacionit, p.sh. “Tune to BBC Radio 1” (“Kalo te BBC Radio 1”), në vend të “Tune to Radio 1” (“Kalo te Radio 1”). Gjithashtu, mund të krijoni emërtime zanore për të gjitha stacionet tuaja të preferuara.

---

Përse nuk mund ta përdor Sistemin e Njohjes së zërit për të kontrolluar klimën?

Sistemi i Land Rover për njohjen e zërit është projektuar për të shmangur detyrat që kërkojnë hapa të shumëfishtë. Në shumicën e rasteve, për kontrollin e klimës mjafton të shtypni një buton, sepse kontrolli nëpërmjet zërit e ndërlikon shumë këtë ndërveprim.

---

A mund ta ndryshoj gjuhën e Sistemit të Njohjes së zërit?

Gjuha e zërit është përcaktuar në varësi të gjuhës së sistemit. Për të zgjedhur një gjuhë tjetër për Sistemin e Njohjes së zërit, mjafton të zgjidhni një gjuhë të ndryshme për sistemin në menunë e cilësimeve të automjetit.

---

Cilësimet për njohjen e zërit shfaqin kontrolle për konfirmim dhe komente, për çfarë shërbejnë?

Nëse voice command confirmations (konfirmimet e komandave të zërit) janë aktive, Sistemi i Njohjes së zërit konfirmon kërkesën tuaj zanore duke përsëritur udhëzimin. Për shembull, pasi të thoni “Call home” (“Telefono numrin e shtëpisë”), sistemi thotë ‘Calling home’ (“Po telefonoj numrin e shtëpisë”). Çaktivizimi i këtij opsioni shkurton kohën e kryerjes së detyrës nga sistemi. Nëse voice feedback (komentet zanore) janë aktive, sistemi ju udhëzon se çfarë duhet të thoni më pas. Sërish, çaktivizimi i këtij funksioni pasi t’ia keni marrë dorën sistemit, do të shkurtojë kohën e ndërveprimit. Ju lutemi, vini re se edhe pasi të keni çaktivizuar voice feedback (komentet zanore), sistemit mund t’i nevojiten informacione të mëtejshme nga ju në situata të caktuara.

A mund ta përdor shfletuesin e internetit kur automjeti është në lëvizje?

Jo. Për të reduktuar gjasat e shpërqendrimit të drejtuesit, shfletuesi nuk mund të përdoret gjatë kohës që automjeti është në lëvizje. Shfletuesi nuk luan as video.

---

Zmadhimi me gishta është i disponueshëm gjatë navigacionit, por nuk funksionon në shfletues?

Për të zmadhuar një faqe interneti, aksesoni kontrollet e zmadhimit nëpërmjet shiritit të kontrollit në shfletuesin e internetit.

---

Përse në disa raste e kam të vështirë të shtyp butonat në krye të një faqeje interneti?

Përpiquni ta zmadhoni pak faqen duke shtypur dy herë butonin ‘+’ në Ekranin me prekje.

---

Gjatë qëndrimit në anën e një rruge të ngarkuar, përse më vijnë ndonjëherë njoftime që automjeti është në lëvizje dhe më shkëputet aksesi te veçoritë?

Kjo ndodh për shkak të kombinimit të rregulloreve të sigurisë së automjetit dhe qarkullimit.

Një automjet me motorin ndezur, pavarësisht marshit të zgjedhur, mund të mos konsiderohet gjithnjë në qëndrim, ndaj sistemet tona të zbulimit të lëvizjes do të vijojnë ta monitorojnë automjetin.

Gjithashtu, ligjërisht, disa veçori duhet të ndërpresin funksionimin gjatë lëvizjes së gomave. Në disa raste, edhe lëvizja më e vogël mund ta shkaktojë këtë gjë. Në këtë situatë, duhet të aktivizoni frenën e dorës ose frenën e këmbës.

---

Pas lëvizjes së automjetit prapa dhe pastaj përpara, në Ekranin me prekje më shfaqet Park Distance Control (Kontrolli i distancës së parkimit), si mund ta heq?

Për ta zvogëluar përkohësisht dritaren, por duke ruajtur njoftimet zanore, shtypni kryqin në këndin e sipërm të dritares Park Distance Control (Kontrolli i distancës së parkimit).

Për ta çaktivizuar plotësisht Kontrollin e distancës së parkimit shtypni butonin Park Distance Control. Në varësi të automjetit tuaj, ky buton do të gjendet në pjesën e poshtme të Ekranit me prekje ose në konsolën e sipërme.

Pasi shpejtësia e automjetit tuaj të tejkalojë 11mph/ 16km/h, Park Distance Control (Kontrolli i distancës së parkimit) do të çaktivizohet automatikisht.

---

Përse kamera e pasme shfaqet sa herë zgjedh Reverse (lëvizja prapa), përse nuk shfaqet kamera 360 gradë përderisa atë përdora herën e fundit?

Kjo gjë ndodh për arsye sigurie. Këndi i shikimit i kamerës së pasme është më i gjerë gjatë funksionimit sesa një pamje e vetme kamere. Pamja nga kamera e pasme është gjithashtu më efektive sa i përket lajmërimit për automjetet që po ju afrohen përpara se t’i shihni ato.

---

Cili është rezultati i drejtimit tim?

Në disa raste, ju mund të keni një rezultat të lartë drejtimi, por një MPG / km/l të ulët (për shembull, gjatë drejtimit të automjetit në trafik të rënduar). Nëse rezultati i drejtimit tuaj ishte 100%, atëherë ju keni arritur ta përdorni karburantin në mënyrën më eficiente gjatë udhëtimit. Ndërsa rezultati i drejtimit 50% tregon se mund ta kishit shpenzuar karburantin në mënyrë më ekonomike nëse do të kishit ndjekur një stil tjetër drejtimi.

---

Përse kam një përqindje të lartë rezultati drejtimi, por konsumi i karburantit është i dobët?

Në disa raste, ju mund të keni një rezultat të lartë drejtimi, por një MPG / km/l të ulët (për shembull, gjatë drejtimit të automjetit në trafik të rënduar). Nëse rezultati i drejtimit tuaj ishte 100%, atëherë ju keni arritur ta përdorni karburantin në mënyrën më eficiente gjatë udhëtimit. Ndërsa rezultati i drejtimit 50% tregon se mund ta kishit shpenzuar karburantin në mënyrë më ekonomike nëse do të kishit ndjekur një stil tjetër drejtimi.