- PRONËSIA
- Shërbimi i Pick-up & Delivery
- PËRMBLEDHJE
- REZERVONI SHËRBIMIN
- QETËSI MENDORE E GARANTUAR
- Aksesorët
- DEF & ADBLUE
- I RI ME NAFTË, BENZINË APO ELEKTRIK?
- PËRDITËSIMI I SOFTUERIT
- MANUALË DHE UDHËZUES
- MERIDIAN SOUND SYSTEMS
- UDHËZUES PËR PRONARIN E AUTOMJETIT ELEKTRIK
- SISTEMET E INFORMACIONIT DHE ARGËTIMIT
- INCONTROL
- INCONTROL
- Touch
- Mbështetja
ARGËTIMI & PPSH PËR MEDIAN
Në veçorinë Radio, a janë Favourites (Të preferuarat) të ngjashme me grupimet e paracaktuara??
Po, Favourites (të preferuarat) në radion tuaj paraqesin një listë të të gjitha stacioneve tuaja radio të preferuara pavarësisht brezit, p.sh. FM, AM DAB, çka lehtëson gjetjen e stacionit të preferuar. (Sistemet e mëparshme kërkonin ndryshimin e brezave të radios përpara zgjedhjes së alternativave të paracaktuara).
Gjithashtu, ju mund të shtoni stacionet tuaja radio të preferuara si shkurtesë në një nga faqet e personalizuara.
Ju mund të shtypni edhe butonin voice recognition (njohja e zërit) në timon dhe të përdorni një komandë zanore për të gjetur stacionin.
Si të shtoj një stacion Radioje te lista e të preferuarave?
Nga ekrani Now playing (Duke u luajtur aktualisht), ose në Find list (Gjej listën) e stacioneve të radios, shtypni ikonën e yllit. Kur ylli të ngjyroset (pra të mos jetë thjesht vijëzim), atëherë stacioni është shtuar në listën e të preferuarave. Stacionet renditen sipas radhës që i keni shtuar.
A mund ta ndryshoj renditjen e listës sime të të Preferuarave?
Po. Shtypni ikonën e modifikimit në pjesën fundore të ekranit, dhe më pas mbajeni shtypur dhe tërhiqeni stacionin duke e vendosur në pozicionin e ri të listës. (Kjo mund të kryhet vetëm kur automjeti nuk është në lëvizje).
Si ta heq një stacion nga lista e të Preferuarave?
Shtypni ikonën e yllit dhe, pasi të jetë kthyer në vijëzim, atëherë stacioni nuk do të shfaqet më në listën e të Preferuarave.
Si të ndërroj stacionin e radios kur jam te Media?
Kur jeni te Media, mund të kaloni majtas/djathtas në qendrën e Ekranit me prekje për të ndërruar stacionet e radios, kanalet TV ose këngën që po luhet.
Si organizohen stacionet FM në listën e medias?
Kur zgjidhni opsionin Find (Gjej) nga ekrani i radios Now Playing (Duke u luajtur aktualisht), atëherë do të renditen të gjitha stacionet FM të disponueshme sipas frekuencës. Megjithatë, nëse dëshironi që stacionet të renditen sipas emrit, mund ta ndryshoni këtë te Radio Settings (Cilësimet e radios).
Sa alternativa të parapëlqyera për TV/Radio mund të aksesoj drejtpërdrejt nga menuja e grupeve nëpërmjet kontrolleve në timon?
14 alternativat e para të parapëlqyera mund të zgjidhen nga ekrani i instrumenteve virtuale. Nëse alternativa juaj e preferuar nuk është e disponueshme, ju mund ta riorganizoni listën pasi automjeti të mos jetë më në lëvizje.
Cili është kapaciteti i USB-ve që mund të përdoren?
Ju lutemi, vini re se përpara përdorimit të një USB-je, do t’ju duhet ta riformatoni si FAT32. Ju lutemi, sigurohuni që të ruani të dhënat e përmbajtura në USB sepse riformatimi do t’i fshijë të gjitha të dhënat.
A mund të përdor pajisje portative për ruajtjen e medias?
Nuk do t’jua rekomandonim ta bënit këtë pasi konsumi i energjisë për këto lloj pajisjesh ndryshon ndjeshëm.
Cilat formate mediash pranohen për të luajtur muzikë dhe video?
Touch Pro pranon një gamë të gjerë formatesh audio dhe video, si:
Formatet audio: AAC, Dolby, DTS, FLAC, MPEG 1, 2, 3, WMA, PCM, WAV, Apple Lossless
Formatet video: AVI, DV, 1, 2, 4 duke përfshirë DivX, Xvid dhe QuickTime, H.263, H.264, WMV, MKV
A pranohet USB 3.0?
Po
A mund të shoh më shumë sesa një kanal televiziv në automjetin tim?
Në varësi të specifikës së automjetit tuaj dhe cilësisë së sinjalit, ju mund të shihni deri në tri kanale njëkohësisht.
Antenat e ndryshme televizive të përfshira në strukturën e automjetit ju mundësojnë të shihni një kanal në ekranin e pasmë të majtë, një kanal tjetër në ekranin e pasmë të djathtë dhe një kanal të tretë në Ekranin me prekje të përparmë. Megjithatë, Ekrani me prekje i përparmë mund të shihet vetëm nëse automjeti nuk është në lëvizje. Sapo automjeti të lëvizë, do të dëgjohet vetëm audioja.
Kur luhet një kanal TV, sinjali nga antenat e ndryshme ndërthuret për të mundësuar një sinjal më të fortë dhe për të përmirësuar cilësinë e imazhit.
Kur vendos një DVD në hapësirën përkatëse, përse nuk luhet automatikisht?
Për të mos ndërprerë burimin e medias që është duke u luajtur aktualisht. Ky funksion është veçanërisht i dobishëm për pajisjet që kanë një Sistem argëtimi në ndenjëset e pasme. Në këtë rast, me qëllim që pasagjerët e tjerë të mos bezdisen, DVD-ja mund të shfaqet në ekranet e pasmë dhe audioja të luhet në kufjet pa tel.
A mund ta kontrolloj dhe monitoroj përmbajtjen në ekranet e pasme nga ekrani i përparmë i automjetit?
Po, zgjidhni faqen ku luhet muzika nga Ekrani me prekje i përparmë dhe shtypni rear media. Do të mund të shihni se çfarë muzike po luhet në secilën faqe.
Nga kjo faqe, pasagjeri i përparmë mund të ndryshojë edhe burimet e medias dhe/ose kanalet/stacionet/këngët, në varësi të burimit në përdorim.
Gjithashtu, drejtuesi mund të zgjedhë të dëgjojë të njëjtën audio që luhet në Sistemin e argëtimit në ndenjëset e pasme në sistemin zanor të kabinës. Në këtë rast, pasagjerët e pasmë do të kenë kontroll të plotë mbi volumin e zërit në kabinë.
Ju lutemi, vini re se vetëm pasagjerët e përparmë ose të pasmë mund të kenë kontroll mbi volumin e zërit në një moment të caktuar. Volumi i zërit nuk mund të kontrollohet njëkohësisht nga sistemi i përparmë dhe ai i pasmë.
Cilat veçori janë të disponueshme në Sistemin e ri të argëtimit në ndenjëset e pasme?
Veçoritë e Sistemit të argëtimit në ndenjëset e pasme përfshijnë sa më poshtë:
• 2 x Ekrane HD 10.2” 16:9, që mund të fshihen gjatë kohës që nuk janë në përdorim
• Një dizajn të ri të ndërfaqes së përdoruesit
• Një gamë të gjerë lidhjesh për pajisje të ndryshme, si telefonat inteligjentë apo tabletët:
• 2x Ndërfaqe USB 3.0
• 1x Ndërfaqe HDMI
• 1x Portë për përdorim të dyfishtë HDMI / MHL
• Kontrolle në ekran për të gjitha mediat, klimën dhe ndenjëset me ngrohje/ftohje (në varësi të specifikave të automjetit)
• Kontrolle mbikëqyrëse, që pasagjerët e përparmë të kontrollojnë ose monitorojnë përdorimin
• Kufje pa tel me mbështetje për Dolby Virtual Surround Sound
Sistemi i ri i navigacionit (i padisponueshëm në Japoni) ofron opsionet vijuese:
• Informacion i plotë mbi statusin e udhëtimit
• Kapacitet kërkimi i plotë dhe shfletim hartash (kërkim në internet nëse automjeti ka lidhje interneti celulare)
• Imazhe satelitore (kërkohet lidhje me internetin)
• Një funksion që u mundëson pasagjerëve të pasmë që t’i propozojnë drejtuesit destinacione
Në ekranin e pasmë ‘supervisor’ (‘mbikëqyrës’) të medias, çfarë funksioni ka butoni i kyçjes?
Ky buton kyç pultin e kontrollit dhe pengon përdoruesit në pjesën e pasme të automjetit që të ndryshojnë kanalin ose volumin. Ky funksion është veçanërisht i dobishëm nëse udhëtoni me fëmijë të vegjël.
A mund ta shuaj/përshtas volumin e audios në kabinë nga pjesa e pasme e automjetit?
Nëse në sistemin zanor të automjetit po luhet audio, pasagjerët e pasmë mund të kenë kontroll mbi audion në kabinë. Njësia e pultit të kontrollit mund të përdoret për të përshtatur ose shuar volumin, nëse nevojitet.
Nëse dëgjoni muzikë në pjesën e pasme duke përdorur kufje pa tel, kontrolli i volumit gjendet në pjesën anësore të kufjeve.
A do të mundësohet aplikacioni automatikisht?
Cilat rajone njihen?
Online Media (Media online) është e disponueshme në SHBA, MB, Francë, Itali, Gjermani dhe Spanjë.
Kur do të bëhen të disponueshme shërbime të tjera për transmetim muzikor?
Ju do të njoftoheni për shërbime të tjera për transmetim muzikor sapo të jenë të disponueshme.
Përse nuk mund ta përdor Online Media në automjetin tim?
Online Media do të përfshihet në disa automjete Jaguar dhe Land Rover duke filluar që prej shatorit të 2017-s e më tej, prandaj, nëse automjeti juaj është më i vjetër, ju nuk do të mund ta përdorni këtë aplikacion.
Çfarë është Llogaria Live / InControl?
• Lidhja për Jaguar-in është: https://incontrol.jaguar.com/jaguar-portal-owner-web/login
• Lidhja për Land Rover është: https://incontrol.landrover.com/jlr-portal-owner-web/select
Alternativat për My Media, Search dhe Discover janë në ngjyrë gri. Përse nuk mund të përdoren?
Këto alternativa janë të disponueshme vetëm nëse përdoruesi ka aktivizuar shërbimet TuneIn dhe i ka funksionale. Nëse përdoruesi nuk i ka aktivizuar shërbimet e medias, këto alternativa nuk mund të përdoren.
Cilat kontrolle të Jaguar Land Rover janë të disponueshme me Online Media Player (Aplikacioni për median online)?
A mund ta kontrolloj Online Media Player (Aplikacioni për median online) nëpërmjet zërit?
Klientët mund t’i aktivizojnë kontrollet zanore të Jaguar Land Rover nëpërmjet butonit Voice (Zëri) në timon për ta kontrolluar Online Media Player me anë të komandave si “Launch Online Media” (“Hap median online”) ose “Launch player” (“Hap aplikacionin e medias”). Megjithatë, Online Media Player funksionon vetëm nëpërmjet ekranit me prekje.
Në cilat gjuhë është e disponueshme Online Media (Media online)?
Online Media do të jetë e disponueshme në 31 gjuhë. Përmbajtja e ofruesve nuk do të përkthehet.
Përse përmbajtja ime nuk luhet gjithmonë?
Disponueshmëria e përmbajtjes varet nga fuqia e rrjetit, duke qenë se transmetohet në internet. Ju lutemi, sigurohuni që të keni një lidhje të mirë me rrjetin gjatë përdorimit të Online Media (Media online).
Përse rezultatet e kërkimit nga TuneIn janë të ndryshme kur kërkoj të njëjtën gjë dy herë?
Rezultatet e kërkimit nga TuneIn do të variojnë pasi ato bazohen te stacione radioje që transmetohen në kohë reale nga mbarë bota.
Kur kërkohet një stacion radioje, çfarë informacioni paraqitet?
Online Media Player (Aplikacioni i medias online) përdor listat muzikore të TuneIn për zhanret ose artistët. Dhe, duke qenë se TuneIn njeh vendndodhjen gjeografike të përdoruesit, ai shfaq stacionet e radios AM dhe FM që janë të disponueshme në vendndodhjen aktuale të përdoruesit.
Si t’i përsëris të gjitha këngët/një album?
Kjo gjë do të kryhet automatikisht. Funksioni i përsëritjes është gjithmonë aktiv, prandaj Repeat the Current Song (Përsërit këngën aktuale) është opsioni i vetëm i disponueshëm.
A mund të kaloj CD në bibliotekën e medias së Touch Pro?
Po, baza e të dhënave Gracenote e integruar kryen përputhjen e informacionit të këngës si dhe albumin dhe imazhin e artistit. Pasi të keni vendosur CD-në, do të shfaqet një ikonë pranë kontrolleve të këngëve, që ju lejon kalimin e CD-së në sistem.
A mund të përditësohet baza e të dhënave Gracenote për të përfshirë albumet e reja?
Ju lutemi, kontaktoni Shitësin tuaj të autorizuar për përditësimet më të reja të softuerit.
Kur jam në ekranin e transmetimit të medias dhe shtyp butonin e ndezjes/fikjes, ekrani nuk fiket, por shfaqet faqja kryesore. Përse ndodh kjo?
Për lehtësinë tuaj, faqja kryesore shfaqet automatikisht për t’ju ndihmuar që të aksesoni një veçori tjetër.
Kam përzgjedhur shfaqjen karusel, po përse këngët shfaqen si listë?
Shfaqja karusel funksionon vetëm për Radion satelitore Sirius XM (vetëm në SHBA dhe Kanada), librarinë e medias dhe USB-të.
Burimet në aplikacionin e medias shfaqen ndonjëherë në pozicione të ndryshme, përse ndodh kjo?
Burimet e shfaqura në aplikacionin e medias bazohen te burimet e disponueshme në momentin përkatës, qoftë fizikisht ose pa tel. Duke qenë se ato ndryshojnë ndërmjet udhëtimeve, burimet renditen në mënyrë dinamike sipas përdorimit. Radioja ndodhet gjithmonë në këndin e sipërm. Në krah të Radios, shfaqet gjithmonë burimi i përdorur për herë të fundit, e kështu me radhë. Nëse një burim nuk është i disponueshëm, atëherë nuk shfaqet. Për shembull, nëse USB-ja nuk është vendosur, ajo nuk do të shfaqet në listën e burimeve të medias.
TEMAT E LIDHURA
CILËSIMET DHE KONTROLLET E SISTEMIT
APLIKACIONET
SIGURIA
PËRDITËSIMET E SOFTUERIT
NUK PO GJENI INFORMACIONIN E NEVOJSHËM?
Shitësi juaj lokal i autorizuar do të jetë i disponueshëm për t’u përgjigjur pyetjeve tuaja rreth sistemit të informacionit dhe argëtimit në pikën e shitjes ose nëpërmjet telefonit.
Funksionet dhe opsionet e InControl-it dhe disponueshmëria e tyre mbeten në varësi të tregut - flisni me Shitësin tuaj të autorizuar për disponueshmërinë në tregun vendas dhe kushtet e plota. Disa veçori vijnë me abonim i cili do të kërkojë rinovim të mëtejshëm pas afatit fillestar të këshilluar nga Shitësi juaj i autorizuar. Lidhja celulare nuk mund të garantohet në të gjitha vendndodhjet.