1. AKTIVIZONI LLOGARINË TUAJ INCONTROL
Për të përfituar nga shërbimet e lidhura dhe abonimet e automjetit tuaj Jaguar, nevojitet që, fillimisht, të aktivizoni llogarinë tuaj InControl dhe të regjistroni automjetin tuaj. Këta hapa mund t’i kryeni në faqen e internetit Jaguar InControl. Pas aktivizimit, mund të shihni statusin e automjetit tuaj, historikun e itinerareve dhe të lidhni llogaritë e palëve të treta (si Spotify) nëpërmjet llogarisë suaj InControl.
Shërbimet tuaja InControl do të aktivizohen vetëm pasi të keni krijuar llogarinë dhe të keni kryer të gjithë hapat e mëposhtëm.
KENI BLERË NJË JAGUAR TË PËRDORUR?
Nëse keni blerë një automjet të përdorur, do t’ju duhet të kontrolloni nëse është pajisur me sistemin InControl.
Konsola e sipërme e automjetit tuaj duhet të ketë dy kapakë, që mund të shtypen për t’u hapur, duke zbuluar butonin SOS Emergency Call (Thirrja SOS e emergjencës) (ikona SOS) dhe butonin Optimised Jaguar Assistance (Asistenca e Optimizuar nga Jaguar) (ikona e çelësit mekanik). Nëse butoni SOS Emergency Call (Thirrja SOS e emergjencës) është i ndezur dhe butoni Optimised Jaguar Assistance (Asistenca e Optimizuar nga Jaguar) është i fikur, mund ta krijoni dhe aktivizoni llogarinë tuaj InControl duke përdorur lidhjen më sipër.
Nëse shihni se butoni Optimised Jaguar Assistance (Asistenca e Optimizuar nga Jaguar) është i ndezur, ju lutemi, kontaktoni shitësin tuaj të autorizuar për ndihmë, pasi nuk do të mund ta lidhni vetë automjetin me llogarinë tuaj InControl.
KONTROLLONI NËSE AKTIVIZIMI ËSHTË KRYER
Pasi ta keni kryer me sukses aktivizimin e InControl, shërbimet tuaja aktive do të konfirmohen nëpërmjet email-it.
Në ndezjen e radhës së automjetit tuaj, dritat e butonave SOS Emergency call (Thirrja SOS e emergjencës) dhe Optimised Jaguar Assistance (Asistenca e Optimizuar nga Jaguar), duhet të jenë të ndezura.
2. INSTALIMI I KARTËS SIM DHE AKTIVIZIMI I LIDHJES
Në varësi të sistemit tuaj, vendoseni kartën SIM në hapësirën e emërtuar ‘SIM’ ose ‘MICRO SIM’ në konsolën qendrore. Sigurohuni që karta SIM të jetë puthitur plotësisht dhe konektorët metalikë të jenë lart.
Pasi ta keni vendosur kartën, përdorni lidhjen e mëposhtme për të aktivizuar lidhjen me internetin.
3. AKTIVIZONI SHËRBIMET TUAJA TË NAVIGACIONIT
Kur ta përdorni Navigacionin për herë të parë, do t’ju kërkohet të krijoni profilin dhe llogarinë tuaj. Në këtë mënyrë, do të mund të ruani destinacionet tuaja të preferuara, itineraret e mëparshme dhe cilësimet e navigacionit.
KRIJONI NJË PROFIL
KRIJONI NJË LLOGARI NAVIGACIONI
Llogaria e navigacionit ju mundëson shkarkimin e përditësimeve të hartave, ndarjen e vendeve dhe ETA-n e destinacionit tuaj me miqtë, & familjarët, si dhe dërgimin e destinacioneve & dhe vendeve me interes tek automjeti juaj nëpërmjet aplikacionit ose faqes së internetit InControl Route Planner.
4. LIDHUNI ME BLUETOOTH
Teknologjia Bluetooth ju lejon të lidhni në distancë një telefon të përputhshëm dhe aplikacionet përkatëse me automjetin tuaj Jaguar. Më pas, pajisja mund të kontrollohet nëpërmjet aktivizimit zanor dhe timonit ose ekranit me prekje për lehtësi dhe siguri më të lartë.
Për informacione të hollësishme rreth mënyrës së lidhjes së telefonit tuaj, vizitoni qendrën tonë të posaçme Connectivity.
KONTROLLOJENI AUTOMJETIN TUAJ NË DISTANCË
Monitoroni gjendjen dhe statusin e automjetit tuaj Jaguar nga telefoni juaj inteligjent me aplikacionin Remote dhe kredencialet tuaja ekzistuese. Nëse jeni regjistruar për Secure Tracker, do t’ju nevojitet aplikacioni Remote për të marrë njoftime për vjedhje.
Ju lutemi, vini re se veçoritë e aplikacionit Remote App mund të përdoren vetëm pas aktivizimit të llogarisë suaj InControl nëpërmjet faqes së internetit InControl. Lidhja/shkëputja e automjeteve dhe lidhja e llogarive të palëve të treta (si Spotify) nuk mund të kryhet në aplikacionin Remote App dhe duhet të kryhet nëpërmjet faqes së internetit InControl.
VIJONI AKTIVIZIMIN E VEÇORIVE NË AUTOMJETIN TUAJ
AKTIVIZIMI I APLIKACIONEVE TUAJA
